१२० किलो गाँजासहित मकवानपुरबाट दुईजना पक्राउ

साङ्केतिक तस्बिर

हेटौंडा– जिल्ला प्रहरी कार्यालय मकवानपुरले १ सय २० किलो लागुऔषध गाँजासहित दुईलाई पक्राउ गरेको छ।

शनिबार पत्रकार सम्मेलन गर्दै जिल्ला प्रहरी कार्यालय, मकवानपुरले लागुऔषध गाँजासहित ना ३ ख ३७१५ नम्बरको ट्रक, ट्रकका चालक तथा धनी र ट्रकमा सवार एकलाई सार्वजनिक गरेको हो।

प्रहरीले ट्रक धनी तथा चालक मकवानपुरको राँक्सीराग गाउँपालिकाका २८ वर्षीय सुकुलाल थिङ र ट्रकमा सवार राँक्सीराग गाउँपालिकाकै नमराज दर्जीलाई पक्राउ गरी अनुसन्धान तथा कारवाही अगाडि बढाएको जनाएको छ।

प्रदेश नं. ३ प्रहरी कार्यालयमा प्राप्त विशेष सूचनाका आधारमा जाँच गर्दा लागुऔषध गाँजा भेटिएको प्रहरीले जनाएको छ।

कसुर सावित भएमा लागुऔषध नियन्त्रण ऐन २०३३ बमोजिम दुई वर्षदेखि १० वर्षसम्म कैद तथा १५ हजार देखि एक लाख रुपैयाँसम्म जरिवानाका साथै सवारीसाधन समेत जफत हुने प्रावधान छ।

जेष्ठ ४, २०७६ मा प्रकाशित
प्रतिक्रिया दिनुहोस्