बझाङ जीप दुर्घटनाः मृतक नौ मध्ये आठको सनाखत, घाइतेलाई हेलिकप्टरबाट नेपालगञ्ज लगियो

धनगढी– बझाङमा भएको जीप दुर्घटनामा परि ज्यान गुमाएका नौ जना मध्ये आठ जनाको सनाखत भएको छ।

सदरमुकाम चैनपुरको डुङग्रीबाट मष्टा जाँदै गरेको से १ ज १०७२ नम्बरको जीप सोमबार दिउँसो डौठी भन्ने स्थानमा दुर्घटना हुँदा नौ जनाको मृत्यु भएको छ भने ५ जना गम्भिर घाईते भएका छन्।

दुर्घटनामा परि मृत्यु हुनेमा मष्टा गाउँपालिका वडा नम्बर १ का कलक बहादुर खड्का, उनका एक छोरा, सोही ठाउँका जुनधारा खड्का, नैन खड्का, धौली खड्का, जुना खड्का, भक्त द्वाल, चालक सुरेन्द्र थापा र लक्ष्मि द्वाल रहेको जिल्ला प्रहरी कार्यालय बझाङले जनाएको छ।

अत्यन्तै भिरालो ठाउँमा जीप सडकबाट ५ सय मिटर तल खोचमा खसेको जिल्ला प्रहरी कार्यालय बझाङका प्रहरी प्रमुख सुर्य बहादुर केसीले बताए। घाईतेहरुको उद्धार गरी हेलीकप्टर मार्फत नेपालगञ्ज लगिएको प्रहरीले जनाएको छ।

असार २, २०७६ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू