बङ्गलादेशमा भयो नेपालको फोटो प्रदर्शनी

काठमाडौँ – नेपालको पर्यटन प्रवर्द्धन गर्ने उद्देश्यले बङ्गलादेशको दोश्रो ठूलो शहर चितागोङमा नेपालको फोटो प्रदर्शनी भएको छ । ‘द स्मल हेवेन’ नाम दिएको उक्त प्रदर्शनीमा नेपालका धार्मिक, ऐतिहासिक, प्राकृतिक, साँस्कृतिक सम्पदा एवम सहासिक पर्यटन सम्बन्धी फोटोहरुको प्रदर्शनी गरिएको कार्यक्रम संयोजक विष्णुकान्त घिमिरेले जानकारी दिए ।

बन्दिपुर युनेस्को क्लबले रोटर्याक्ट क्लब अफ इस्लामाबाद चितगोङसँगको सहकार्यमा आइतबार प्रर्दशनीको आयोजना गरेको घिमिरेले बताए । रोटर्याक्ट क्लब अफ इस्लामाबाद चितगोङको २५ औँ वर्षगाँठको अवसरमा चितागोङ प्रेस क्लबको बङ्गोबन्धु हलमा आयोजित प्रदर्शनीमा करिब हजार जनाले अवलोकन गरेको घिमिरेले बताए ।

सोही अवसरमा सन् २०२० मार्चमा नेपालमा आयोजना गर्न लागिएको ‘एडभेन्चर नेपाल २०२०’ को समेत घोषणा गरिएको छ । नेपाललाई अन्तर्रास्ट्रिय स्तरमै सहासिक खेलहरुको हब बनाउन सकिन्छ भन्ने उद्देश्यले आयोजना गर्न लागिएको सो कार्यक्रममा विश्वभरबाट करिब सय जना सहभागी हुने आयोज बन्दिपुर युनेस्को क्लबका अध्यक्ष टिकाराम पनेरुले बताए ।

असार २३, २०७६ मा प्रकाशित
प्रतिक्रिया दिनुहोस्