डोरियन आँधीका कारण बहमासमा ठूलो क्षति, बल्ल पुगे उद्धारकर्मी प्रभावित क्षेत्रमा

आन्ध्र महासागरबाट उठेको डोरियन आँधीका कारण बहमासनमा ठूलो भौमिक क्षति भएको छ । आकाशबाट खिचिएको तस्बिर (एरियल इमेज) मा डोरियन आँधीले बहमासको उत्तरी क्षेत्रमा ठूलो भौतिक क्षति गरेको देखिएको हो ।

आँधी बहमासबाट अघि बढेसँगै उद्धार तथा राहतको काम सुरु भएको छ । बहमासनका हुबर्ट मिन्निसका अनुसार आँधीले उत्तरी बहमासलाई सखाप पारेको छ ।

विज्ञापन

अहिलेसम्म आँधीका कारण सातजनाको ज्यान गएको पुष्टि भएको छ तर त्यो संख्या बढ्न सक्ने प्रधानमन्त्री मिन्निसले बताएका छन् । आँधीसँगै चलेको तीव्र गतिको हावाका कारण उत्तर–पूर्वी एबाको आइल्याण्ड सबैभन्दा बढी प्रभावित भएको छ ।

बहमासका अरु क्षेत्रमा पनि तीव्र गतिको हावा तथा बाढीका कारण क्षति भएको छ । डोरियन आँधी हाल उत्तर तर्फ लागेको छ । तर अझै पनि अमेरिकाको पूर्वी तटीय क्षेत्रमा जोखिम रहेको जनाइएको छ । हाल सो आँधी क्याटगोरी टू को रहेको छ ।

भदौ १८, २०७६ मा प्रकाशित
प्रतिक्रिया दिनुहोस्