हुम्लाका दुई गाउँपालिकामा २० दिन विद्युत सेवा बन्द हुने

हुम्ला, सिमकोट – सिमकोट र खार्पुनाथ गाउँपालिकामा सेवा आपूर्ति गर्दै आएको हिल्दुम साना जलविद्युत आयोजना २० दिनसम्म बन्द हुने भएको छ । आयोजनाको पेनस्टिक पाइप नयाँ जडान गर्नु पर्ने र नहर मर्मत गर्नु पर्ने भएकाले विद्युत सेवा बन्द हुने भएको हो ।

नयाँ जडान गर्ने पाइप र अन्य मर्मत सामग्री निर्माण स्थलमा पुगेपछि बसेको सर्वपक्षीय बैठकले सो कार्य गर्न २० दिनसम्म विद्युत सेवा बन्द गर्ने निर्णय गरेको थियो ।

विज्ञापन

आयोजनाको पावर हाउस रहेको स्थलमा ६३ मिटर पेनस्टिक पाइप जडान गर्नु पर्ने त्यसका लागि अहिले सात थान पाईप निर्माण स्थल पुग्न बाँकी छ । १४ थान पाइप भने पुगेको छ । ती पाइप पावरहाउसको मुहान हुमाने खोला पुगेको जनाइएको छ ।

पाइप जडान कार्य १५ दिनमा सम्पन्न गर्ने समितिका अध्यक्ष तीर्थराज रोकायाले बताए । यसका लागि ६० लाख बजेट बिनियोजित गरिएको थियो।

त्यसैगरी आयोजनाको फर्बे ट्याङ्की साइटको नहर पनि मर्मत गरिने भएको छ । उक्त नहरमा हाल प्लाष्टिक पाइपबाट काम चलाउ रुपमा पानी आपूर्ति हुँदै आएको छ । त्यसमा अहिले पावर हाउसमा पानी आपूर्ति गर्दै आएको पुरानो पेनस्टिक पाइप जडान गरिने भएको छ ।

भदौ २१, २०७६ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू