जलवायु परिवर्तन : अनुकुलनमा १८ खर्ब अमेरिकी डलर लगानी गर्न अपिल

विश्वव्यापी रुपमा भइरहेको जलवायु परिवर्तनसँग मानव तथा प्राकृतिक परिवेशलाई सामजस्य गर्दै लैजाने अनुकुलनका उपायहरुमा आउँदो दशकमा १८ खर्ब अमेरिकी डलरको हाराहारीमा लगानी गरिनु पर्ने जनाइएको छ । त्यसको मुनाफा ७० खर्ब भन्दा बढी प्राप्त हुने ग्लोबल कस्ट–बेनिफिट एनालिसिजमा देखिएको छ ।

अनुकुलनका पाँच प्रमुख रणनीतिहरुको विश्लेषण गर्दा अनुकुलनको क्षेत्रमा हुने लगानीको तुलनामा त्यसको मुनाफा अत्याधिक हुने देखिएको हो । ग्लोबल कमिसन अन एडप्टेसनमा रहेका ३४ जना राजनीतिज्ञ, व्यवसायी र वैज्ञानिकको टोलीले विश्लेषण गरेको हो । विश्वलाई तत्कालै जलवायु परिवर्तनसँग अनुकुलन गर्न मामिलामा लचिलो बनाउनु पर्ने उनीहरुले बताएका छन् ।

विज्ञापन

संयुक्त राष्ट्रसंघका पूर्व महासचिव बान कि–मुन, विश्व बैंकका प्रमुख कार्यकारी क्रिष्टालिना जर्जिएभा र माइक्रोसफ्टका संस्थापक बिल गेट्ससहितको नेतृत्वमा रहेको कमिसनले धनीले नैतिक रुपमा अनुकुलनका उपायहरुमा तत्काल लगानी गर्न सुझाव दिएका छन् ।

विभिन्न अध्ययनमा यो देखिएको छ कि जलवायु परिवर्तनबाट बढी प्रभावित भएकाहरुको जलवायु परिवर्तन गराउन भूमिका भने निकै न्युन हुने गरेको छ । जलवायु परिवर्तनले गरेका असरहरुबाट कम प्रभाव पार्नका लागि अनुकुलन नै प्रमुख उपाय रहेको बताइन्छ ।

अबको दशकमा विशेषगरी चेतावनी प्रणाली, भौतिक पूर्वाधार, सुक्खा जमिनमा हुने बाली प्रणालीमा बढावा, म्यानग्रोभको संरक्षण तथा पुनः रोपण र पानीको संरक्षणका क्षेत्रमा लगानी गर्नु पर्ने उनीहरुले बताएका छन् ।

भदौ २४, २०७६ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू