निर्माण व्यवसायीलाई अपहरण गर्ने गिरोह पक्राउ

सांकेतिक तस्बिर

पोखरा – निर्माण व्यवसायीलाई अपहरण गरेको आरोपमा कास्की प्रहरीले पोखराबाट एक गिरोहलाई पक्राउ गरेको छ।

प्रहरीले पोखरा–९ नयाँबजारस्थित सामुदायिक सेवा केन्द्र जिल्ला समन्वय समिति अगाडिबाट ४ जनाको समूहलाई पोखराका एक निर्माण व्यवसायीको अपहरण गरेको आरोपमा पक्राउ गरेको हो।

विज्ञापन

पक्राउ पर्नेमा पोखरा–१५ बस्ने ४२ वर्षीय गौतम थापा, पोखरा–२ बस्ने ३४ वर्षीय रोहित सुनार, पोखरा–८ बस्ने बासुदेव पोखरेल, पोखरा–१० बस्ने ५४ वर्षीय प्रेमबहादुर थापा छन्।

निर्माण व्यवसायीलाई बिहान १०ः५० बजे समन्वय समितिको कार्यालय अगाडिबाट गाडीमा जर्बजस्ती राखेर पोखरा–९ शान्तिवन पुर्‍याउँदै गर्दा प्रहरीले उनीहरुलाई पक्राउ गरेको हो।

बिहान साढे ११ बजे नै उनलाई अपहरण मुक्त गराइएको कास्की प्रहरी प्रवक्ता राजकुमार केसीले जानकारी दिए। निर्माण व्यवसायीको स्वास्थ्य सामान्य रहेको प्रहरीले जनाएको छ।

पक्राउ परेका उपर म्याद थप गरी अनुसन्धान अघि बढाइएको प्रवक्ता केसीले जानकारी दिए।

भदौ २५, २०७६ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू