राष्ट्रिय हितलाई केन्द्रमा राखेर अन्तर्राष्ट्रिय सम्बन्धः मन्त्री ज्ञवाली

प्रदीप ज्ञवाली/फाइल तस्बिर।

काठमाडौँ – परराष्ट्रमन्त्री प्रदीप ज्ञवालीले सरकारले राष्ट्रिय हितलाई केन्द्रमा राखेर अन्तराष्ट्रिय सम्बन्धलाई अघि बढाएको बताएका छन् ।

मन्त्री ज्ञवालीले मुलुकको सार्वभौमिकताको रक्षा, राष्ट्रिय हित र सबै राष्ट्रसँग मित्रतापूर्ण सम्बन्ध राखेर अघि बढने मुलुकको परराष्ट्र नीति रहेको पनि स्मरण गराए ।

पूर्व सांसद मञ्च, नेपालले मंगलबार काठमाडौँमा आयोजना गरेको एक कार्यक्रममा उनले भारत र चीन दुवै छिमेकसँगको सम्बन्धलाई अझै सुदृढ बनाइएको पनि बताए ।

मन्त्री ज्ञवालीले विश्व शान्ति, न्याय र समृद्धि नेपालले चाहेकाले सोही अनुसारको अन्तराष्ट्रिय सम्बन्धको विकासमा जोड दिइएको पनि स्पष्ट पारे ।

उनले मुलुकको समृद्धिका लागि सरकारले बाह्य लगानी भित्र्याउने कामलाई उच्च प्राथमिकता दिएको पनि बताए ।

भदौ ३१, २०७६ मा प्रकाशित
प्रतिक्रिया दिनुहोस्