हुम्लाको उच्च हिमाउली गाउँ याल्वाङमा आजदेखि महाेत्सव हुँदै

सिमकोट – पर्यटन क्षेत्रको ठूलो संभावना बोकेको हुम्लाको नाम्खा गाउँपालिकाको केन्द्र याल्वाङमा सोमबारदेखि याल्वाङ लिमी महोत्सब सुरु हुँदैछ । महोत्सवको तयारी पूरा भएको र आमन्त्रण गरिएका सबै पाहुनाहरु सबै कार्यक्रम स्थलमा पुगिसकेको आयोजकले जनाएको छ ।

पालिका केन्द्रको याल्वाङ चौरमा टेण्टको व्यवस्था गरेर महोत्सव सञ्चालन गरिने आयोजकले जनाएको छ । महोत्सवमा मुख्य गरी स्थानीय अर्गानिक अन्नपातका परिकारहरु विशेष गरेर मिठेर तिते फापरको रोटी, ढिडो, चिनोको चामलको भात र खीर, चौरी घ्यु, नौनी, छुर्पी, नाफलको रोटी, उवा सातु, सिस्नुको फाँडो, हिमाली उच्च क्षेत्रमा पाईने सिमीको दाल, जिम्बुको स्वाद लिन पाइने छ । त्यसैगरी नाम्खा गाउँपालिकाका पाँचवटै वडाका भेषभुषा, साँस्कृति झाँकी पनि प्रर्दशनी गरिने छ ।

विज्ञापन

महोत्सवमा तयार पारिएका स्टलमा पहिरन र स्थानीयले हातैले बुनेका कपडाहरु पनि राखिनेछ । सहप्रायोजक इसिमोडका प्रतिनिधि बाहेक अन्य कुनै पनि पाउनाहरुलाई बोलाइएको छैन ।

गत वर्ष लिमी महोत्सव हुँदा तामझामका साथ कर्णाली प्रदेशका मुख्यमन्त्रीदेखि मन्त्री र सांसदहरु आउँदा पनि चालु आर्थिक वर्षमा लिमीको पर्यटन प्रवर्द्धनका लागि कुनै ध्यान नदिएकाले नबोलाइएको बताइएको छ । तर उनीहरुले चढेको हेलिकप्टरको भाडा गाउँपालिकाले नतिर्ने अध्यक्ष लामाले यसअघि नै बताइ सकेका छन् ।

अशोज ६, २०७६ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू