डकैती गर्दै गर्दा दुई भारतीयसहित चारजना डाँका पक्राउ

जनकपुरधाम – जनकपुरधामको एउटा पसलमा डकैती गर्ने क्रममा चारजना डाँका पक्राउ परेको छ।

बिहीबार बिहान साढे ३ बजेको समयमा डकैती गर्न लागेका चारैजना पक्राउ परेको प्रहरीले जनाएको छ । पक्रउ पर्नेमा दुईजना भारतीय र दुईजना नेपाली नागरिक रहेको धनुषाका प्रहरी उपरीक्षक शेखर खनालले जनाएका छन् ।

बिहानको समयमा पसलको सटर फोरेर डकैतीको प्रयास गरिहेका बेला प्रहरीले उनीहरुलाई पक्राउ गरेको हो । प्रहरीले सटर फोड्ने क्रममै देखेपछि डाँकाहरु भाग्न खोजेका थिए ।

पक्राउ गर्नका लागि चेतावनी पूर्वक फायर गरे पनि नरोकिएपछि तीन राउण्ड गोली चलाएको प्रहरीले जनाएको छ । एकजनाको खुट्टामा गोली लागेको प्रहरी उपरीक्षक खनालले जानकारी दिए । डाँकाहरुको साथबाट एउटा कटुवा पेस्तोल र तीन राउण्ड गोली समेत बरामद भएको छ ।

असोज ९, २०७६ मा प्रकाशित
प्रतिक्रिया दिनुहोस्