‘वार’ ले तोड्यो सलमानको चलचित्र ‘भारत’ को रेकर्ड

ऋतिक रोशन र टाइगर श्रफको चलचित्र ‘वार’ उनीहरुको करियरमा सबैभन्दा छिटो धेरै कमाउने चलचित्र बनेको छ। यो चलचित्रले चार दिनमा एक सय २४ करोड व्यापार गरेको छ।

यो वर्ष प्रदर्शन हुने बित्तिकै धेरै कमाउने चलचित्रहरुको कमाइलाई यो चलचित्रले जितेको छ। वार प्रदर्शन हुनु अगाडि आमिर खान र अभिताभ बच्चन अभिनित चलचित्र ‘ठग्स अफ हिन्दुस्तान’ चार दिनमा सबै भन्दा धेरै कमाउने दोस्रो चलचित्र बनेको थियो। यो चलचित्रलाई सलमान खानको ‘भारत’ ले जितेको थियो।

विज्ञापन

तर बुधबार प्रदर्शनमा आएको ‘वार’ ले यो दुवै चलचित्रको रेकर्डलाई तोडेको छ। ‘ठग्स अफ हिन्दुस्तान’ ले प्रदर्शनको चौथो दिनमा एक सय १९ करोड कमाएको थियो भने, चलचित्र ‘भारत’ ले चौथो दिनमा एक सय २२ करोड कमाएको थियो। यो सँगै ‘वार’ ले अरु थुप्रै रेकर्डहरु तोडेको छ।

अशोज १९, २०७६ मा प्रकाशित
प्रतिक्रिया दिनुहोस्