होटलको स्वीमिङपुलमा डुबेर बालकको मृत्यु

सांकेतिक तस्बिर

चितवन– चितवनको एक होटलको स्वीमिङ पुलमा डुबेर सोमबार तीन वर्षीय बालकको मृत्यु भएको छ।

भरतपुर महानगरपालिका– १६ मा रहेको होटल रेन्टफरेष्टको स्वीमिङ पुलमा डुबेर नुवाकोटको विदुर नगरपालिका– ५ देविघाटका बालक प्रयास श्रेष्ठको मृत्यु भएको हो।

विज्ञापन

उनका बुबाआमा घुम्नका लागि चितवन आएका समयमा सो होटलको स्वीमिङ पुलमा पौडी खेलेका थिए। सो क्रममा स्वीमिङ पुल नजिकै रहेका बालक डुबेको जिल्ला प्रहरी कार्यालयले जनाएको छ।

उनको चितवन मेडिकल कलेजमा उपचारका क्रममा मृत्यु भएको हो। शव परीक्षणका लागि भरतपुर अस्पतालमा राखिएको छ।

कार्तिक ४, २०७६ मा प्रकाशित
प्रतिक्रिया दिनुहोस्