साँगाबाट फुलचोकीसम्मको ट्रेकिङ रुटको नाम शंखधर साख्वाको नामबाट राखिने

भक्तपुर – सरकारले भक्तपुरको साँगाबाट काठमाडौँको फुलचोकीसम्मको ट्रेकिङ रुटको नामाकरण राष्ट्रिय विभूति शंखधर साख्वाको नामबाट राख्ने घोषणा गरेको छ ।

संस्कृति, पर्यटन तथा नागरिक उडड्यनमन्त्री योगेशकुमार भट्टराईले राष्ट्रिय विभूति शंखधर साख्वाः को सम्मानमा उनकै नामबाटै सो रुटको नामाकरण गर्ने घोषणा गरेका हुन ।

विज्ञापन

नेपाल संवत ११४० को अवसर पारेर मंगलबार भक्तपुरमा आयोजित कार्यक्रममा उनले मध्यपुर ठिमी नगरपालिका भित्र ‘राष्ट्रिय विभूति शंखधर साख्वा स्मृति पार्क’ निर्माणका लागि आवश्यक सहयोग उपलब्ध गराउने प्रतिबद्धता पनि व्यक्त गरे ।

मध्यपुर ठिमी नगरपालिकाले राष्ट्रिय विभूति शंखधर साख्वाः स्मृति पार्क बनाउने तयारी गरेको छ । त्यसमा सरकारले पनि आवश्यक सहयोग उपलब्ध गराउने मन्त्री भट्टराईको भनाई थियो ।

मन्त्री भट्टराईले किसानहरुको ऋण मोचन गरेर सुरु भएको नेपाल संवत नेपाली जनताको संवत भएको उल्लेख गर्दै आगामी वर्षबाट सो सम्वत मनाउन नेपाल सरकार आफै आयोजक बन्ने पनि बताए ।

कार्तिक १२, २०७६ मा प्रकाशित
प्रतिक्रिया दिनुहोस्