अग्ला पाटनका चौरी हिमालपारीको गाउँ लिमीमा

सिमकोट – चार हजार आठसय मिटर अग्ला पाटनबाट चौरी गाईहरु हिमालपारीको गाउँ लिमीमा आई पुगेका छन् । अग्ला पाटनमा लगिएका चौरी गाईलाई पाटनमा चिसो बढेपछि तीन हजार पाँच मिटर अग्लो गाउँ लिमीमा ल्याइएका हुन् ।

लाप्चा लेकमा गत जेठमा लगिएका चौरी गाईलाई चिसो बढेपछि गाउँमा सारिएको हल्जी गाउँ झारिएका छन् । गत जेठमा दुई सय भन्दा बढी चौरी गाई तथा तीन सय भन्दा बढी झोपा र जुमा लगिएको थियो । त्यो सँगै पचास वटा बाच्छाहरु पनि गाउँमा आईपुगेका छन् । पाँच महिनासम्म चौरी खर्कैमा बसेका हेरालुहरु पनि गाउँमा आई पुगेका छन् ।

विज्ञापन

अग्ला हिमालमा हिउँ पर्न सुरु भएपछि चिसो बढ्दा गाउँमा ल्याएर पालन गर्नु पर्ने हुँदा ल्याइएको स्थानी छिरिङले बताए । चौरी गाईका बथानहरु गाउँमा आई पुगेपछि अर्कै किसिमको रमाईलो हुने गरेको छ । लिमीका तीन वटै गाउँ तील, हल्जी र जाङका चौरी गाईहरु गाउँ पुगेका छन् ।

त्यति मात्र होइन चौरी श्रोत केन्द्रका साठी वटा चौरी गाई पनि तुम्लिङमा ल्याईएको छ । करिब पाँच महिना लाप्चा लेकको पाटनमा राखिएका चौरी गाईलाई लिमी गाउँमा अब आगामी बैशाख महिनासम्म राखिनेछ । अहिले चौरी मात्र होइन घ्यु, छुर्पी, चिज पनि ल्याइएको छ । अब घ्यु र छुर्पी सिमकोटसम्म बिक्रीका लागि ल्याईने लिमीका स्थानीय तेण्डाप तामाङको भनाई छ ।

कार्तिक २२, २०७६ मा प्रकाशित
प्रतिक्रिया दिनुहोस्