बुहारीलाई बलात्कार गरेको आरोपमा ससुरा पक्राउ

फाइल तस्बिर

धनगढी-बुहारी बलात्कार गरेको आरोपमा ससुरा पक्राउ परेका छन्।

डडेल्धुरा जिल्लाको गन्यापधुरा गाउँपालिकामा बुहारी बलात्कारको आरोपमा ससुरा पक्राउ परेका हुन्।

डडेल्धुराका प्रहरी नायब उपरीक्षक दधिराम न्यौपानेका अनुसार सोमबार साझ आरोपित ससुराले बुहारी नाता पर्ने २२ वर्षीया महिलालाई कोठामा गएर बलात्कार गरेका थिए।

जबरजस्ती करणी गरेको उजुरीपछि सोमबार राति नै ती पुरुषलाई पक्राउ गरिएको प्रहरी नायव उपरिक्षक न्यौपानेले बताए।

उनीमाथि जर्बजस्ती करणी मुद्दा चलाइ थप अनुसन्धान भइरहेको जिल्ला प्रहरी कार्यालय डडेल्धुराले जनाएको छ।

मंसिर ३, २०७६ मा प्रकाशित
प्रतिक्रिया दिनुहोस्