ट्रम्पको मजाक उडाएको भिडियो सार्वजनिक

सञ्चार संवाददाता

अमेरिकी राष्ट्रपति डोनाल्ड ट्रम्पले क्यानडाका प्रधानमन्त्री जस्टिन ट्रूडोको आलोचना गरेका छन् । ट्रूडो द्वेध चरित्रको व्यक्ति रहेको ट्रम्पले बताएका हुन् ।

नेटोको बैठकको क्रममा ट्रम्पको मजाक ट्रूडोले गरेको भिडियो सार्वजनिक भएपछि उनको यस्तो प्रतिक्रिया आएको हो ।

सार्वजनिक भएको भिडियो फुटेजमा क्यानडाका प्रधानमन्त्री ट्रूडो, बेलायती प्रधानमन्त्री बोरिस जोन्सन तथा फ्रान्सका राष्ट्रपति इम्यानुएल म्याक्रोँले अमेरिकी राष्ट्रपति डोनाल्ड ट्रम्पले बिना तयारी गरेको पत्रकार सम्मेलनबाट कुराकानी गरेका छन् ।

नेटोको ७० औँ स्थापना दिवसका अवसरमा लण्डन नजिकै भएको बैठकमा नेताहरुबिच एकताको सहमति भएको छ तर विभिन्न विषयमा विवाद पनि देखएको छ ।

अमेरिकी राष्ट्रपति ट्रम्पले नेटो सम्मेलनपछिका लागि तय भएको पत्रकार सम्मेलनमा सहभागी नहुने बताए।

ट्रम्पले पत्रकारसँग भने, ‘हामी सिधै फर्किने छौँ । मलाई लाग्छ हामीले धेरै पत्रकार सम्मेलन गरिसक्यौँ।’


क्यानडाको सार्वजनिक प्रशारण संस्था सिबिसीले आफ्नो ट्वीटर ह्याण्डलमा पोस्ट गरेको छोटो अवधिको भिडियोमा प्रधानमन्त्री ट्रूडोले बेलायती प्रधानमन्त्री जोन्सन, फ्रान्सेली राष्ट्रपति म्याक्रोँ, डच प्रधानमन्त्री मार्क रुत्ते र बेलायती महारानी एलिजाबेथकी छोरी राजकुमारी एनीसँग कुराकानी गरिरहेको देखिन्छ ।

भिडियोको सुरुमा जोन्सनले म्याक्रोँसँग सोध्छन्, ‘के हामी यहि कारण ढिला भइरहेका छौँ?’

त्यसको जवाफमा म्याक्रोँले नभई ट्रूडोले दिन्छन् र भन्छन्, ‘उहाँ ढिला हुनु भयो किनकी उहाँले ४० मिनेट लामो माथिल्लो तहको पत्रकार सम्मेलन गर्नु भयो ।’ त्यसपछि म्याक्रोँले उपाख्यान भनेका छन्, तर त्यो राम्रोसँग सुनिभएको छैन ।

उनीहरुको कुराकानी रेकर्ड भइरहेको कसैले पनि थाहा पाएनन् ।

यो भिडियो सार्वजनिक भएपछि ट्रम्पले भनेका छन्, ‘ट्रूडो टू फेस वाला रहेछन्…मैले राम्रो व्यक्ति ठानेको थिएँ तर होइन रहेछ ।’

मंसिर १९, २०७६ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू