काठमाडौँ–तराई मधेस द्रूत मार्गमा परेका ३८ हजार रुख काट्ने क्रम अन्तिम चरणमा पुगेको छ।

विसं २०८१ को वैशाखसम्म निर्माण सम्पन्न गरिने सो मार्ग निर्माणको जिम्मा नेपाली सेनाले पाएको छ र उसले रुख काट्ने काम ९६ प्रतिशत सम्पन्न भएको जनाएको छ ।

द्रूत मार्ग निर्माणकै बेला काटिएका रुखको क्षतिपूर्तिका लागि एक बराबर २५ वटा बिरुवा रोप्ने सहमति भएको थियो । यसअनुसार ९ लाख ५० हजार बिरुवा रोपिनु पर्छ । सोही अनुरुप रोपिने बिरुवाको तयारी पनि नर्सरी नै स्थापना गरेर गरिएको छ ।

पर्यावरण संरक्षणका लागि सेनाले ‘ग्रो ग्रिन’ अभियान चलाइरहेको छ । सोही अन्तर्गत सेनाले मकवानपुरको राजदमार र बाराको निजगढ क्याम्पमा बिरुवा उत्पादनका लागि नर्सरी बनाएको हो । राजदमारमा गुणस्तर परीक्षण प्रयोगशाला पनि छ ।

दुई ठाउँमा रहेका नर्सरीमा १ लाख ८० हजार बिरुवा उत्पादन भइसकेको छ । खयर, सिसौ, सिमल, टिक, ईपिललिपी, साल, बेल तथा अमला प्रजातिका बिरुवा तयार भइरहेको सेनाले जनाएको छ ।

भिडियाे :