माधवनारायण स्नान, स्वस्थानी वर्त समापन (तस्बिरसहित)

काठमाडौँ – पुस शुक्ल पूर्णिमादेखि सुरु भएको एक महिने स्वस्थानी वर्त आइतबार समापन हुँदैछ।

पुस शुक्ल पूर्णिमादेखि विधिपूर्वक स्वस्थानीको वर्त सुरु गरी नित्य मध्याह्नकालमा पार्वतीसहित महादेवको पूजा गरेका भक्तजनले आइबार माघ शुक्ल पूर्णिमामा वर्त समापन गर्न लागिएको हो ।

विधिपूर्वक एक महिने वर्त गरेकाले माघ शुक्ल पूर्णिमाका दिन १०८ जनै, १०८ सुपारी, १०८ पान, १०८ पmूल, १०८ रोटी, १०८ अक्षता विभिन्न थरिका फलफूल, धूप, बत्ती, नैवेद्य, श्रीखण्ड, रक्तचन्दन, सिन्दूर, वस्त्र, भेटी चढाई वर्तको कामना पूर्णहोस् भनी भगवतीलाई अर्घ्य दिइन्छ ।

चढाइएका प्रसादमध्ये सबैबाट आठ–आठ पतिलाई, पति नभए छोरालाई र छोरा पनि नभए मीत छोरालाई एवम् मीत छोरा पनि नभएमा कामना सिद्ध होस् भनी नजिकको पवित्र नदीमा लगी बगाउने वर्त विधि छ ।

उपत्यकाको पूर्वीभेगस्थित शाली नदीमा पुस शुक्ल पूर्णिमादेखि सुरु भएको माधवनारायण वर्त पनि आइतबार नै समापन गरिँदै छ।

स्वस्थानी वर्त समापनका लागि आइतबार बिहान भक्तपुरको माधवनारायणमा स्नान गर्न श्रद्धालुहरु पुगेका थिए।

माघ २६, २०७६ मा प्रकाशित
प्रतिक्रिया दिनुहोस्