जो बाइडेनलाई मेयर पिट् बुटजजको समर्थन

उम्मेदवारीको होडबाट पछि हटेका पिट् बटजजले राष्ट्रपति उम्मेदवारमा पूर्व उपराष्ट्रपति जो बाइडेलाई समर्थन गरेका छन् । इन्डियानाको साउथबेण्डका पूर्व मेयर पिटले आइतबार आफ्नो चुनावी अभियान अन्त्य गरेको घोषणा गरेका थिए ।

उनले नेपाली समय अनुसार मंगलबार बिहान (स्थानीय समय अनुसार सोमबार बेलुका) टेक्सासको डालासमा भएको जो बाइडेनको चुनावी ¥यालीमा सहभागी भएका पिटले समर्थकलाई सम्बोधन गर्दै आफ्नो समर्थन घोषणा गरेका हुन् ।

सम्बोधनका क्रममा मेयर पिटले भने, ‘मेरो अभियान कहिले पनि मै राष्ट्रपति बन्नु पर्छ भन्नका लागि थिएन । डेमोक्र्याटिक भ्यालुका लागि थियो मेरो उम्मेदवारी र डोनाल्ड ट्रम्पलाई पराजित गर्नका लागि थियो, त्यो नेता पूर्व राष्ट्रपति र चाँडै राष्ट्रपति बन्ने जो बाइडेनमा पाएको छु ।’

उनले अहिलेको पुस्ता र आउँदो पुस्ताका लागि अमेरिका राम्रो तथा सुरक्षित देश बनाउनका लागि बाइडेनलाई राष्ट्रपति बनाउनका लाग्न अपिल गरे ।

उनले सामाजिक सञ्जाल ट्वीटर मार्फत पनि आफ्नो समर्थन बाइडेनमा रहेको उल्लेख गरेका छन् । बाइडेनसँगको ‘क्यानडिड’ तस्बिर पोस्ट गरेर उनले लेखेका छन्, ‘उपराष्ट्रपति जो बाइडेनसँग उभिन पाउँदा म खुशी छु र सहयोग गर्नु होस् कि उहाँलाई हाम्रो कमाण्डर–इन–चिफ बनाउन ।’

उम्मेदवारीको होडबाट बाहिरिएकी एमी क्लोबुसरले पनि जो बाइडेनलाई समर्थन गर्ने बताइएको छ ।

फाल्गुन २०, २०७६ मा प्रकाशित
प्रतिक्रिया दिनुहोस्