मिथिला मध्यमा परिक्रमा जनकपुरधाम आइपुग्यो

जनकपुरधाम – मिथिलाञ्चलनको महाकुम्भको रुपमा रहेको लामो दूरीको धार्मिक यात्रा मिथिला मध्यमा परिक्रमा आइतबार जनकपुरधाम आइपुगेको छ ।

धनुषाको मिथिला बिहारी नगरपालिकाको कचुरीबाट मिथिला बिहारीको डोला र किशोरीजीको डोलासहित हनुमाननगरमा पुगेर विधिवत् सुरु भएको परिक्रमा नेपाल–भारतका विभिन्न भागको परिक्रमा गर्दै जनकपुरधाम आइपुगेको हो ।

बिसौलमा विश्राम गरेको परिक्रमामा सहभागी श्रद्धालुहरु कल्याणेश्वर महादेवको दर्शन गर्दै जनकपुरधाम पुगेका हुन् । जनकपुरधाम आइपुगेका परिक्रमामा श्रद्धालु सहभागीहरुले सोमबार अन्तगृह परिक्रमा गर्ने छन् ।

अन्तगृह परिक्रमासँगै मिथिलाञ्चलको सबैभन्दा ठूलोे धार्मिक पदयात्रा सम्पन्न हुनेछ । मिथिला मध्यमा परिक्रमामा नेपालको १०७ किलोमिटर र भारतको २६ गरी कुल १३३ किलोमिटर दूरी तय गरेका छन् ।

फाल्गुन २५, २०७६ मा प्रकाशित
प्रतिक्रिया दिनुहोस्