काठमाडौँ– विश्वभर महामारीको रुप लिइरहेको कोरोना भाइरस (कोभिड–१९) को संक्रमणबाट बच्नका लागि चिकित्सकले विभिन्न उपाय अपनाउन सुझाइरहेका छन्।
बेला–बेलामा साबुनपानीले हात धोइरहने, खोक्दा वा हाच्छ्यूँ गर्दा कुइनोले छोप्ने, हात नधोई वा सेनेटाइजरले सफा नगरी आँखा, नाम, मुख नछुने जस्ता उपाय अपनाउँदा संक्रमणको जोखिम कम हुने चिकित्सकले बताएका छन्।
जानेर वा नजानेर मानिसहरुले यस्ता कुरालाई बेवास्ता गरिरहेका हुन्छन्। सामान्यताया मानिसलाई तनाव हुँदा हस् वा खुशी हुँदा उनीहरु आफ्नो अनुहार छोइरहेका हुन्छन्।
तनाव वा खुशीमा मात्र नभएर थाहै नपाई मानिस नाक, मुख र आँखा छोइरहेका हुन्छन्। पटक–पटक अनुहार छोइरहने बानीका कारण मानिसहरु आफैलाई विभिन्न रोगबाट संक्रमित बनाइरहेका हुन्छन्।
वरिपरि राखिएका चिजहरु जथाभावी छुँदा वा कुनै मानिसलाई छोइरहँदा हातमा विभिन्न ब्याक्टेरिया र भाइरसहरु बसिरहेका हुन सक्छन्, सफा नगरी त्यही हातले जथाभावी अनुहार छुने जस्ता व्यवहारले मानिसलाई विभिन्न प्रकारका रोग लाग्ने गर्छ ।
भाइरस र ब्याक्टेरिया शरीर भित्र प्रवेश गर्न सक्ने मुख्य मार्ग भनेकै आँखा, नाक, र मुख रहेको चिकित्सकले बताएका छन्।
यही कारण विश्व स्वास्थ्य संगठनले कोरोना भाइरस (कोभिड–१९) को संक्रमणबाट बच्नका लागि अनुहार छुन नहुने चेतावनी दिइएको छ।
अष्ट्रेलियामा गरिएको एक अध्ययनका अनुसार एक घण्टाको अबधिमा २३ पटक अनुहार छुने गरेको पाइएको थियो। अनुहार नछोई बस्न कतिको सम्भव छ त? के भन्छन्, चिकित्सक? यो भिडियोमो हेरौँ ।
भर्खरै
लोकप्रिय
