कोरोना कहरः मजदूरलाई केजरीवाल सरकारले पाँच–पाँच हजार दिने

दिल्लीका मुख्यमन्त्री अरविन्द केजरीवालले दिल्लीमा निर्माणको काम गर्ने सबै मजदूरलाई पाँच–पाँच हजार दिने घोषणा गरेका छन् ।

हिन्दुस्तान टाइम्सका अनुसार कोरोना भाइरसको संक्रमणपछिको अवस्थामा मजदुरको दैनिकी प्रभावित बनेपछि केजरीवाल सरकारले यस्तो घोषणा गरेको हो ।

केजरीवालले भने, ‘यो बेला मजदूरको रोजी–रोटी गुमेको छ। सबै दैनिक ज्यालादारीका मजदूर थिए । निमार्णको काम गर्ने सबै मजदुरलाई पाँच–पाँच हजार दिइने छ ।’

केजरीवालले भने, ‘ म सम्झन सक्छु कि तपाईँहरुलाई धेरै समस्या भइरहेको छ । सरकार जनताको दुःखमा केही हदसम्म भए पनि राहत दिन्छ । तपाईहरुलाई परेको मर्का हटाउन हामी सम्पूर्ण प्रयास गरिरहेका छौँ । हामी सबैको जीवन बचाउन आवश्यक छ । त्यसका लागि ‘लकडाउन’को कठोर कदम उठाइएको हो ।’

जति पनि मजदूर दिल्ली बिल्डिंग एण्ड अदर कन्स्ट्रक्शन वर्कर्स बोर्डमा दर्ता छन् उनीहरुलाई जनही पाँच हजार दिइने भएको हो ।

चैत १२, २०७६ मा प्रकाशित
प्रतिक्रिया दिनुहोस्