कोभिड १९

कोरोना भाइरसको संक्रमणदर तीव्र, २४ घण्टामा झण्डै २८ सयको मृत्यु

विश्वव्यापी महामारीका रुपमा फैलिएको कोरोना भाइरसको संक्रमणबाट विश्वभर ज्यान गुमाउनेको संख्या २४ हजार ७० पुगेको छ । पछिल्लो २४ घण्टामा मात्रै विश्वभर २ हजार ७ सय ८८ जनाले कोरोनो भाइरसका कारण ज्यान गुमाएका छन् ।

पाँच लाख ३१ हजार ६ सय ९८ जनालाई कोरोना भाइरसको संक्रमण भएकोले एक लाख २३ हजार ९ सय २८ जना उपचारपछि निको भएका छन् । अहिले तीन लाख ८३ हजार सात सय जनाको उपचार भइरहेकोमा त्यमध्येका १९ हजार ३ सय ५७ जनाको अवस्था गम्भीर रहेको छ ।
पछिल्लो २४ घण्टामा मात्रै ६० हजार ६ सय ६३ जना नयाँ संक्रमित फेला परेका छन् ।

चीनको वुहान शहरमा पहिलो पटक देखिएको कोरोना भाइरसका सबैभन्दा धेरै संक्रमित अमेरिकामा फेला परेका छन् । अमेरिकामा ८५ हजार २ सय ८० जनामा संक्रमण देखिएकोमा १२ सय ९३ जनाको मृत्यु भएको छ । त्यहाँ बितेको २४ घण्टामा मात्रै २ सय ६६ जनाको मृत्यु भएको छ ।

यस्तै चीनमा ८१ हजार ३ सय ४०संक्रमित रहेकोमा ३ हजार २ सय ९० जनाको मृत्यु भएको छ । चीनमा ५५ जना नयाँ संक्रमित फेला परेका छन् । यस्तै इटालीमा ८० हजार ५ सय ८९ जना संक्रमित रहेकोमा ८ हजार २ सय १५ जनाको मृत्यु भएको छ । त्यहाँ बितेको २४ घण्टामा ७ सय १२ जनाको मृत्यु भएको छ ।

स्पेनमा ५७ हजार ७ सय ८६ संक्रमित फेला परेकोमा चार हजार तीन सय ६५ जनाको मृत्यु भएको छ । त्यहाँ बितेको २४ घण्टामा ७ सय १८ जनाको मृत्यु भएको छ ।

चैत्र १४, २०७६ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू