कोरोनाको असर: चैते दशैँको तयारी भव्य, दर्शनार्थी शून्य (फोटो फिचर)

तस्बिरहरु: राजा झा/देश सञ्चार।

जनकपुरधाम– विश्वभरी महामारीको रुपमा फैलिदै गएको कोरोना भाइरस (कोभिड १९) को प्रभाव आर्थिक, सामाजिक, धार्मिक लगायतका क्षेत्रमा पनि परेको छ।

कोरोनाकै कारण जनकपुरधाममा कयौँ चाडपर्वहरु प्रभावित भएका छन्। जनकपरधाममा मनाइने चैते दशैँ, चैते छठ र राम नवमी प्रभावित भएका छन्।

कोरोनाको कारण नेपालभर लकडाउन भए पनि जनकपुरधामस्थित प्रसिद्ध शक्तिपीठ राजदेवी मन्दिरमा आगामी बुधबारको चैते दशैँको तयारी जारी छ। मन्दिरलाई सिँगारीएको छ। झिलिमिलीले झकिझकाउ बनाइएको छ।

मन्दिरमा सजावट गरिएको छ र प्रत्येक दिन पूजा पनि हुन्छ तर दर्शनका लागि पुग्ने श्रद्धालुहरु भने छैनन्। त्यहाँ पूजारी र पुरोहित मात्रै हुन्छन्।

वर्षौदेखि चलिआएको परम्परा पनि तोड्नु सही नरहेकोले पूजाको आयोजना गरिएको राजदेवी मन्दिरका महन्थ राम गिरीले बताए।

उनले महामारीको समयमा श्रद्धालुहरु दर्शनका लागि नआए पनि पूजा श्रद्धा भक्तिपूर्वक गरिरहेको बताए।

गंगासागर पोखरीको डीलको उत्तर दक्षिण कुनामा समेत चैते दशैँको आयोजना गरिएको छ। त्यहाँ पनि दर्शनार्थीहरु भने पुगेको देखिएको छैन।

चैत्र १५, २०७६ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू