ह्यारी र मेगनको सुरक्षा खर्च अमेरिकाले बेहोर्दैनः ट्रम्प

सञ्चार संवाददाता

बेलायती राजकुमार ह्यारी र उनी पत्नी मेगनको सुरक्षा खर्च अमेरिकाले नबेहोर्ने राष्ट्रपति डोनाल्ड ट्रम्पले बताएका छन् ।

राजकुमार ह्यारी र उनकी पत्नी मेगन क्यानडाबाट अमेरिका गएको खबर आइरहेका बेला ट्रम्पले ट्वीट गरेर उनीहरुको सुरक्षा खर्च अमेरिकाले बेहोर्न नसक्ने बताएका हुन् ।

ट्रम्पले ट्वीटमा लेखका छन्, ‘म महारानी तथा बेलायतको राम्रो साथी र प्रशंशक हुँ । तर उनीहरुले सुरक्षा खर्च आफै बेहोर्नु पर्छ ।’

ह्यारी र मेगनले मेरिकामा सुरक्षाका लागि खर्च माग गर्ने कुनै योजना नरहेको बताएका छन्।

कोरोना भाइरसको संक्रमण बिस्तार हुँदै गएका बेला राजकुमार ह्यारी र पत्नी मेगन अमेरिका गएको र उनीहरु मेगनको गृह राज्य क्यालिफोर्नियाको घरमा रहेको दाबी गरिएको छ ।

ह्यारी र मेगन मार्च ३१ देखि औपचारिक रुपमा बेलायतको राजपरिवारका शीर्ष सदस्याबाट पछि हट्दै छन् । त्यसपछि उनीहरुले महारानीको औपचारिक प्रतिनिधित्व गर्ने छैनन् । तर यो सम्झौतामा एक वर्षपछि पुनर्विचार गरिने छ ।

चैत १७, २०७६ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू