भारतमा कोरोना भाइरसः एकै दिन २८ जनाको मृत्यु, थप ७०४ मा संक्रमण पुष्टि

भारतमा कोरोना भाइरसको संक्रमण तीव्र गतिमा बिस्तार भएको छ। सोमबार एकै दिन नोवेल कोरोना भाइरसका कारण हुने कोभिड–१९ बाट भारतमा २८ जनाको मृत्यु भएको स्वास्थ्य तथा परिवार कल्याण मनत्रालयले जनाएको छ ।

योसँगै मृत्यु हुनेको संख्या १११ पुगेको छ। यस्तै सोमबार थप ७०४ जनामा कोरोना भाइरसको संक्रमण पुष्टि भएको छ।

योसँगै कुल संक्रमितको संख्या चार हजार २८१ पुगेको मन्त्रालयले जनाएको छ । अहिलेसम्म ३१८ जना संक्रमित स्वस्थ भएर घर फर्किएका छन् ।

भारतमा अहिलेसम्म एक लाख एक हजार भन्दा बढीको परीक्षण सम्पन्न भउको इन्डियन काउन्सिल अफ मेडिकल रिसर्चले जनाएको छ ।

सोमबार महाराष्ट्रमा कोरोना भाइरसका १२० नयाँ संक्रमित पुष्टि भएका हुन् । राज्यमा कुल संक्रमितको संख्या ८६८ पुगेको छ। यस्तै सोमबार महाराष्ट्रमा सातजनाको मृत्यु भएसँगै राज्यमा कोभिड–१९ बाट मृत्यु हुनेको संख्या ५२ पुगेको छ ।

यस्तै राजधानी दिल्लीमा कोरोना भाइरस संक्रमितको संख्या ५२५ पुगेको छ र अहिलेसम्म सातजनाको मृत्यु भएको छ ।

मध्य प्रदेशमा सोमबार ६३ जना नयाँ संक्रमित थपिएसँगै कुल संक्रमितको संख्या २५६ भएको छ । मध्य प्रदेशको भोपाल जिल्ला बढी प्रभावित भएको छ । त्यहाँ सोमबार एकै दिन ४३ जनामा संक्रमण पुष्टि भएको हो ।

तेलंगानामा अहिले ३०८ संक्रमित छन् र ११ जनाको मृत्यु भएको छ । आन्ध्र प्रदेशमा ३०३ तथा केरलमा ३२७ जना संक्रमित छन् ।

चैत्र २५, २०७६ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू