ट्वीटरका प्रमुखले दिने भए एक अर्ब अमेरिकी डलर

सामाजिक सञ्जाल ट्वीटरका संस्थापक ज्याक डोर्सीले कोरोना भाइरसको महामारीविरुद्धको अभियानका लागि एक अर्ब अमेरिकी डलर सहयोग गर्ने घोषणा गरेका छन् ।

डोर्सीले आफ्नो कुल सम्पत्तिको २८ प्रतिशत रकम सहयोग गर्ने बताएका छन् । उनले ट्वीट गरेर सहयोगको घोषणा गरे । उनले लेखेका छन्, ‘आवश्यकता बढ्दोक्रममा र अत्यन्त जरुरी रहेको छ ।’

डोर्सीले आफ्नो सहयोग रकम कहाँ जानेछ भन्ने स्पष्ट पारेका छैनन् । अमेरिकामा हाल कोरोना भाइरस संक्रमित बिरामीको उपचारका लागि भेन्टिलेटरको अभाव छ ।

यस्तै व्यक्तिगत सुरक्षात्मक सामग्री (पिपिई) को अभाव टड्कारो भएको छ भने कोरोना भाइरसका कारण व्यवसायी र सर्वसाधारणहरु पनि समस्यामा परेका छन् ।

अनलाइन भुक्तानी सेवा प्रदान गर्ने एप्लिकेशन स्क्वायर र ट्वीटरका संस्थापक तथा दुवै संस्थाका प्रमुख कार्यकारी डोर्सीले सहयोगका लागि स्क्वायरमा आफ्नो शेयरको अंशबापतको रकम प्रयोग गरेका छन् ।

चैत्र २६, २०७६ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू

लोकप्रिय