सर्वोच्च अदालतको पहिलो महिला न्यायाधीश सुशीला सिंह शिलुको निधन

काठमाडौँ – सर्वोच्च अदालतकी पहिलो महिला न्यायाधीशको सुशीला सिंह शिलुको निधन भएको छ । उनको शुक्रबार मेडिसिटी अस्पतालमा उपचारको क्रममा निधन भएको हो ।

८१ वर्षीया सिंहको उपचारका क्रममा उनको निधन भएको हो । नेपाल बार एशोसिएशनकी पूर्व उपाध्यक्ष उषा मल्ल पाठकले पेटमा समस्या देखिएपछि अस्पताल भर्ना गरिएको र पछि ब्रेन स्ट्रोक भएको जानकारी दिएकी छन् ।

उनी महिलातर्फ पहिलो न्यायाधीश, वरिष्ठ अधिवक्ता र सर्वोच्च बारको संस्थापक उपाध्यक्ष थिइन् । उनी २०५८ साल वैशाखदेखि २०६३ सालसम्म सर्वोच्चको न्यायाधीश बनेकी थिज् ।

त्यसपछि उनी राष्ट्रिय मानवअधिकार आयोगको सदस्य पनि भएकी थिइन् । १९९६ साल फागुन २२ गते काठमाडौँको पकनाजोलमा उनको जन्म भएको थियो । उनका पति र दुई छोरा छन् ।

जेष्ठ १०, २०७७ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू