निष्क्रिय रहेर पनि शूल्क तिर्नेको एकाउन्ट नेट्फ्लिक्सले निलम्बित गर्ने

नेट्फ्लिक्सले एक वर्ष भन्दा बढी समयदेखि केही पनि नहेरे पनि पैसा तिरिरहेकाहरुको एकाउन्ट रद्द गर्न सुरु गर्ने बताएको छ ।

सयौँ हजार सब्स्क्राइबर निष्क्रिय रहे पनि शूल्क भने तिरिरहेकाले उनीहरुको एकाउन्ट निलम्बित गर्ने तयारी सुरु भएको नेट्फ्लिक्सले जनाएको छ ।

सेवाग्राहीहरुको पैसा जोगाउनका लागि यस्तो गर्न लागिएको जनाइएको छ । नेट्फ्लिक्समा ५.९९ पाउण्डदेखि ११.९९ पाउण्ड प्रति महिना शूल्क रहेको छ ।

एक वर्षदेखि निष्क्रिय रहेका प्रयोगकर्तालाई पहिलो नोटिफिकेशन पठाएर जानकारी दिने, त्यसपछि मात्रै एकाउन्ट निलम्बित गर्ने नेट्फ्लिक्सले उल्लेख गरेको छ ।

आफ्ना ०.५ प्रतिशत प्रयोगकर्ता निष्क्रिय रहेको नेट्फ्लिक्सले जनाएको छ।

जेष्ठ १०, २०७७ मा प्रकाशित
प्रतिक्रिया दिनुहोस्