काठमाडौं र नेपालगञ्जमा अलपत्र २५७ जना हुम्लाबासीको उद्धार सुरु

सिमकोट-दुई   महिनाभन्दा बढी समय लकडाउनले गर्दा काठमाडौं र नेपालमा अलपत्र परेका २५७ जना दक्षिणी हुम्लाबासीलाई उद्धार सुरु गरिएको छ ।
काठमाडौंबाट उद्धार गरिएका हुम्ली बोकेर सात वटा गाडी छुटेको र ती गाडीले नेपालगंजबाट अलपत्र नागरिकलाई बोकेर सुर्खेत, दैलेख, कालिकोट, जुम्ला हुदै मुगुसम्म पुर्याउने ब्यबस्था गरिएको छ ।

उद्धार गरिएका नागरिक अधिकाँस बिधार्थी रहेको बताउदै उद्धार कार्यमा खटिएका सर्केगार्ड गाउँपालिका वडा नम्बर ४ निबासी धनराज शाहीले उनीहरु यो लकडाउनमा पिडामा रहेको कारण संघीय सासदहरुको पहलमा उद्धार कार्य गरिएको बताए।

काठमाडौंमा रहेका धेरै बिधार्थीहरुसं घरखर्च समेत नरहेको बेला उद्धार गरिएको उनले बताए । यसमा चंखेली गाउँपालिकाका ३३ जना र सर्केगार्ड गाउँपालिका २२४ जना नागरिक रहेको छन् । हुम्ला उद्धार गरिएका नागरिकहरु बोक्ने गाडीका लागि गृहमन्त्रालयले पास उपलब्ध गराएको छ।

गाडी भाडा भने उद्धार गरिउका नागरिक आफैले हालेका छन् । स्थानीइ सरकारले नागरिकको यो पिडालाई सुनुवाई गर्न नकसेको सहयोगी शाहीले बताए । काठमाडौ र नेपालगंजबाट उद्धार गरिएका नागरिकहरु मुगु पुग्न दुई दिन लाग्ने र त्यसपछि चंखेली र सर्केगार्ड गाउँपालिका पुग्न एक देखि दुई दिन लाग्ने छ।

यी उद्धार गरिएका नागरिकहरुलाई चार सय बोटल पानी र चार सय थान माक्स काँग्रेस हुम्लाका सभापति जयपति रोकाया र सेनिटाईजर हुम्ला जिल्लाका सांसद रंगमति शाहीले सहयोग गर्नु भएको शाहीले बताए। जिल्लामा पुगेपछि सबै नागरिकलाई सम्बन्धित गाउँपालिका र वडाले क्वारेन्टिनमा राख्ने ब्यबस्था गर्नु पर्नेछ।

जेष्ठ १४, २०७७ मा प्रकाशित
प्रतिक्रिया दिनुहोस्