कोरोना बिशेष अस्पतालमा भर्ना भएका संक्रमित भन्छन्

‘वाईफाई चल्दैन, दिन काट्नै मुस्किल’

दाङ–भारत काम गर्न गएका उनी क्वारेन्टाइनमा बसे। त्यहाँ वस्दा कोरोना जाँच गरियो। रिपोर्ट पोजेटिभ आयो। अनी कोरोना विशेष अस्पताल बेल्झुण्डी लगियो। आइसोलेसनमा भर्ना भएको दुई दिन भयो। तर, यो दुई दिनको समय विताउन उनलाई निकै सकस भयो।

हातमा मोवाईल छोपेर मात्रै के गर्नु ? वाईफाईको सिंगल भेटिदैन्। कहाँ के भैरहेको छ भन्ने बारेमा पनि थाहा छैन्। यहाँ आउनु अघी उनलाई धेरै क्वारेन्टाइन र आइसोलेसनमा फ्रि वाई फाईको सुविधा छ भन्ने थाहा थियो। तर, अहिले आफु नै बसेको आइसोलेसनमा वाईफाई सुविधा छैन्।‘दिन विताउन गाह्रो भयो। वाईफाई छ भन्ने सुनेका छौं तर, सिंगल टिप्दैन्’उनले गुनासो गर्दै भने–‘नेट भएको भए अरुका कुरा पढेर, हेरेर भएपनि मन बुझाउन सकिन्थ्यो। त्यो पनि भएन्।’

आइसोलेसनमा बसेर कोरोना जीतेकाहरुको कथा पढ्नै पाएका छैनन्। नेट भएको भए कोरोना भाइरस जीतेर घर फर्किएकाहरुको कथा पढ्न पाईन्थ्यो। त्यो पनि नहुदा दिक्क लागेको आइसोलेसनमा भर्ना कएकी किशोरीले बताइन्।‘घरी पिर लाग्छ। साथीहरुको कुरा सुन्छु। केही हौसला जाग्छ। तर, यहाँ मन सम्हाल्न गाह्रो भएको छ’उनले भनिन्–‘वाईफाई नहुदा दिन विताउन धेरै असजिलो हुदो रहेछ।’ मोवाइलमा डाटा लिदा पैसा धेरै सकिसकेको छ। पैसा हालिदिने सुविधा पनि छैन्। आइसोलेसनमा वाईफाईको व्यवस्था गर्न माग गरिएको छ।

यता कोरोना बिशेष अस्पतालमा नेटको सुविधा भएपनि राम्रो संग काम नगर्दा समस्या उत्पन्न भएको अस्पताल प्रशासनले बताएको छ।‘एडिएसएलको नेट छ। तर, सबै ठाउँ टिप्दैन्। तीन तल्लाको भवन छ। सबै ठाउँ न टिप्दा समस्या परेको हो’कोरोना विशेष अस्पतालमा खटिएका स्वास्थ्यकर्मी द्रोण ओलीले भने–‘यस बिषयमा सबै ठाउँ कुरा भएको छ।

नेपाल टेलिकम, जिल्ला प्रशासन, तुलसीपुर उपमहानगरपालिका सबै ठाउँ समस्या पुगेको छ। तर, प्राविधिक कठिनाइले गर्दा नेटको सुविधा प्रयाप्त छैन्।’ नेटको व्यवस्थापनको लागी विकल्पहरुको खोजी भने जारी रहेको उनले बताए।‘लौ न यहाँ नेटको सुविधा पुर्‍याउन अरु के विल्प छन्, खोजौं। हामी जोड्न तयार छौं’ओलीले भने–‘आर्थिक समस्या होइन, प्राविधिक कठिनाई छ। यो कठिनाइमा पनि कसैले सुविधा दिन सक्छ भने हामी जोड्न तयार छौं।’

कोरोना बिशेष अस्पतालमा अहिले ३७ जना संक्रमितको उपचार भैरहेको छ। शुक्रबार दिउसो ८ जना बिरामी डिस्चार्ज भएर घर फर्किएका छन्।

जेष्ठ १६, २०७७ मा प्रकाशित
प्रतिक्रिया दिनुहोस्