फाेटाे फिचर

मध्यरातमा नेविसंघको टर्च जुलुस

काठमाडौँ – प्रमुख विपक्षी नेपाली कांग्रेसको भातृ संगठन नेपाल विद्यार्थी संघले बिहीबार मध्यराति काठमाडौँमा टर्च जुलुस प्रदर्शन गरेको छ ।

नेविसंघले भ्रष्टाचार र अनियमितताको विरोधका साथसाथै न्यायको खोजीमा मध्यरातमा टर्च जुलुस प्रदर्शन गरेको जनाएको छ ।

मुलुक संकटमा रहेका बेला अब रातमा पनि सुतेर बस्न नहुने भन्दै सरकारलाई झकझकाउन मध्यरातमा प्रदर्शन गरेको नेविसंघ प्राविधिक विद्यार्थी परिषदका अध्यक्ष आदर्श मल्लले बताए ।

समाजमा भ्रष्टाचार, अनियमितता र अपराधको जालो मौलाइरहेको तर सरकारले नदेखेको जस्तो गरेको भन्दै सरकारलाई जगाउन प्रदर्शन गरिएको उनले बताए ।

नेविसंघले सिंहदरबार, माइतीघर बानेश्वर लगायतका क्षेत्रमा प्रदर्शन गर्दै सरकार विरोधी नाराबाजी गरेकाे थियाे ।

असार ५, २०७७ मा प्रकाशित
प्रतिक्रिया दिनुहोस्