खोलाले बगाएर सिन्धुपाल्चोकमा एकजनाको मृत्यु

सिन्धुपाल्चोकको झ्याडी खोलाले बगाएर सोमबार एक वृद्धको मृत्यु भएको छ।

मृत्यु हुनेमा इन्द्रावती गाउँपालिका –९ भोटसीपा निवासी ५७ वर्षीय धावा लामा छन् । खोला तर्ने क्रममा बगाएको उनको शव करीब एक किलोमिटर तल भेटिएको जिल्ला प्रहरी कार्यालयले जनाएको छ ।

उता गत बुधबार रातिको बाढी पहिराले बेपत्ता भएका बाह्रबीसे नगरपालिका –५ जम्बु र भोटेकोशी गाउँपालिका –५ बुलकोटेका २० जनाको खोजी जारी छ । पानी पर्ने क्रम नरोकिएपछि उद्धारमा कठिनाइ भइरहेको प्रहरी निरीक्षक रामचन्द्र घिमिरेले जानकारी दिए।

असार २९, २०७७ मा प्रकाशित
प्रतिक्रिया दिनुहोस्