बिहानैदेखि वर्षा र बदली, दिनभरको मौसम कस्तो?

काठमाडौँ – देशका विभिन्न स्थानमा बुधबार बिहानै वर्षा भएको जल तथा मौसम पूर्वानुमान महाशाखाले जनाएको छ।

बिहानको मौसम बदली भई प्रदेश १, बागमती प्रदेश, गण्डकी प्रदेश, प्रदेश ५, कर्णाली प्रदेश र सुदूरपश्चिम प्रदेशका केही स्थानहरु मेघगर्जन र चट्याङ्सहित हल्का वर्षा भइरहेको महाशाखाले जनाएको छ।

मौसमविदका अनुसार प्रदेश १ र गण्डकी प्रदेशका एक–दुई स्थानमा भने भारी वर्षा भएको छ।

यस्तै बुधबार दिउँसो पनि देशभरको मौसममा सामान्यतया बदली रही केही स्थानहरूमा मेघगर्जन र चट्याङ्सहित हल्का देखि मध्यम वर्षाको सम्भावना रहेको महाशाखाले जनाएको छ।

गण्डकी प्रदेश र प्रदेश ५ का एक वा दुई स्थानहरुमा भारी वर्षाको अनुमान गरिएको महाशाखाका मौसमविदले उल्लेख गरेका छन्।

बुधबार राति पनि देशभर सामान्यतया बदली रहने छ भने केही स्थानहरूमा मेघगर्जन र चट्याङ्सहित हल्का देखि मध्यम वर्षाको सम्भावना रहेको छ।

राति प्रदेश १, गण्डकी प्रदेश र कर्णाली प्रदेशका एक वा दुई स्थानहरुमा भारी वर्षाको सम्भावना रहेको छ।

हाल मनसुनको न्युन चापीय रेखा नेपाल भन्दा दक्षिण तर्फ अवस्थित छ।

भदौ ३१, २०७७ मा प्रकाशित
प्रतिक्रिया दिनुहोस्

सम्बन्धित वर्गका समाचारहरू