नेकपा सचिवालय बैठक स्थगित, भोलि बालुवाटारमै बस्ने

नेकपाको केन्द्रीय सचिवालय बैठक पेरिसडाँडामा । तस्बिर : नेकपा सचिवालय

काठमाडौँ – सत्तारुढ नेपाल कम्युनिष्ट पार्टी नेकपाको साेमबार बस्ने भनिएको बैठक भोलि (मंगलबार) का लागि सारिएको छ।

तत्कालीन माओवादीको पेरिसडाँडास्थित पार्टी कार्यालयमा दिउँसो १ बजे बस्ने भनिएको बैठक मंगलबार दिउँसो साढे १२ बजे बस्ने गरी स्थगित भएको नेकपाका महासचिव विष्णु पौडेलले जानकारी दिए।

उनका अनुसार नेताहरुको कार्यव्यस्तताका कारण स्थगित भएको बैठक मंगलबार प्रधानमन्त्रीको सरकारी निवास बालुवाटारमा बस्ने छ।

पार्टी एकतापछि आइतबार पहिलो पटक नेकपा सचिवालय बैठक पेरिसडाँडामा बसेको थियो।

उक्त बैठकमा मन्त्रिपरिषद पुनर्गठन गर्ने प्रस्ताव पेश भएको थियो।

असोज ५, २०७७ मा प्रकाशित
प्रतिक्रिया दिनुहोस्