बुटवलमा उपचाररत दुईजना कोरोना संक्रमितको मृत्यु

बुटवल – कोरोना विशेष अस्पताल बुटवलमा उपचार गराइरहेका दुईजना कोरोना भाइरस संक्रमितको मृत्यु भएको छ।

अशोज १ गतेदेखि उपचाररत कपिलवस्तु बुद्धभूमि ६ का ५० वर्षका पुरुष र भदौ २७ गतेदेखि उपचाररत नवलपरासी रामग्राम ३ का ४९ वर्षीय पुरुषको मृत्यु भएको हो।

उनीहरु दुवैजनालाई सात दिनदेखि भेन्टिलेटरमा राखेर उपचार जारी थियो। अशोज १ गते अस्पतालमा भर्ना भएका कपिलवस्तुका पुरुषको बिहीबार बिहान ७ बजे मृत्यु भएको लुम्बिनी प्रादेशिक अस्पताल बुटवलका सूचना अधिकारी डा. विष्णु गौतमले जानकारी दिए। उनमा मधुमेह र मिर्गौलाको समस्या थियो।

नवलपरासी रामग्रामका पुरुष भदौ २७ गते अस्पतालमा भर्ना भएका थिए। उनमा कलेजोको समस्या थियो। उनको बिहीबार बिहान चार बजे मृत्यु भएको डा. गौतमले जानकारी दिए।

असोज ८, २०७७ मा प्रकाशित
प्रतिक्रिया दिनुहोस्