वीपी प्रतिष्ठानमा ९० वर्षीय कोरोना संक्रमितको मृत्यु

विराटनगर – धरानस्थित वीपी कोइराला स्वास्थ्य विज्ञान प्रतिष्ठानमा कोरोना संक्रमित एक बृद्धको मृत्यु भएको छ।

प्रतिष्ठानका अनुसार धरान उपमहानगरपालिका १६ का स्थानीय ९० वर्षीय बृद्धको उपचारका क्रममा मंगलबार बेलुका ४ बजे मृत्यु भएको हो।

उच्च रक्तचाप र मधुमेहबाट पीडित बृद्धमा असोज ३० गते कोभिड १९ को रिपोर्ट पोजिटिभ देखिएको थियो।

कार्तिक १ गते प्रतिष्ठानको कोभिड १९ अस्पतालमा भर्ना गरिएका बृद्धको स्वास्थ्य अवस्था जटिल बन्दै गर्दा मंगलबार अपरान्ह मृत्यु भएको प्रतिष्ठानका सहप्रवक्ता डा. आशिष श्रेष्ठले जानकारी दिए।

कात्तिक ५, २०७७ मा प्रकाशित
प्रतिक्रिया दिनुहोस्