पहाडी भूभागहरुमा आंशिक बदली, प्रदेश १ मा पानी पर्ने सम्भावना

काठमाडौँ – देशका पहाडी भूभागहरुमा आंशिक बदली रहे पनि बाँकी भूभागमा शुक्रबार दिउँसोको मौसम सामान्यतया सफा रहने जल तथा मौसम पूर्वानुमान महाशाखाले जनाएको छ।

प्रदेश १ का एक–दुई स्थानमा हल्का वर्षाको सम्भावाना रहेको मौसमविदले बताएका छन्।

शुक्रबार राति पनि पहाडी भूभागहरुमा आंशिक बदली रही बाँकी भूभागमा मौसम सामान्यतया सफा रहने महाशाखाले जनाएको छ।

प्रदेश १ का एक–दुई स्थानमा राति पनि हल्का वर्षाको सम्भावाना छ ।

अहिले बिहान देशका पहाडी भूभागमा आंशिक बदली रही बाँकी भूभागहरूमा मौसम सामान्यतया सफा रहेको छ।
हाल कुनै उल्लेखनीय मौसमी प्रणाली नरहेको महाशाखाले जनाएको छ।

कात्तिक ७, २०७७ मा प्रकाशित
प्रतिक्रिया दिनुहोस्