कोरोनाबाट दाङमा एकजना सरकारी कर्मचारीको मृत्यु

दाङ– दाङमा एकजना कोरोना संक्रमित सरकारी कर्मचारीको मृत्यु भएको छ।

मालपोत कार्यालय घोराही, दाङमा कार्यरत पुरुष कर्मचारीको शुक्रबार बिहान ३ बजेतिर मृत्यु भएको जिल्ला स्वास्थ्य कार्यालय दाङका कोरोना फोकल पर्सन कमल चन्दले जानकारी दिए।

तुलसीपुर उपमहानगरपालिका वडा नं १८ दुधरास निवासी ती कर्मचारीलाई कात्तिक ४ गते कोरोना संक्रमण पुष्टि भएको थियो।

संक्रमण पुष्टि भएपछि होम आइसोलेसनमा बस्दै आएका थिए। बिहीबार राति एक्कासी स्वासप्रस्वासमा समस्या भएपछि कोरोना विशेष अस्पताल बेलझुण्डी पुर्‍याइएको थियो।

बेलझुण्डी अस्पतालमा उपचारको क्रममा उनको मृत्यु भएको हो। योसँगै दाङमा कोरोनाबाट मृत्यु हुनेको संख्या ७ पुगेको छ।

कात्तिक ७, २०७७ मा प्रकाशित
प्रतिक्रिया दिनुहोस्