प्रदेश–१ मा थप ५५६ जनामा कोरोना पुष्टि, ६९५ जना डिस्चार्ज

माेरङ– प्रदेश १ मा थप ५ सय ५६ जनामा कोरोना भाइरसको संक्रमण पुष्टि भएको छ।

प्रदेश १ को सामाजिक विकास मन्त्रालयका अनुसार मोरङमा २ सय ४२, सुनसरीमा १ सय ९९, झापामा ७७, उदयपुरमा ६, धनकुटामा ५, संखुवासभामा ४, खोटाङ र तेह्रथुममा समान ३ र प्रदेश १ बाहिरका १७ जनामा संक्रमण देखिएको हो।

मन्त्रालयका अनुसार विराटनगर महानगरपालिकामा ६४ महिला र १ सय ७ पुरुष गरी १ सय ७१ जनामा संक्रमण पुष्टि भएको छ। मोरङको उर्लाबारी नगरपालिकामा १३, सुन्दरहरैंचा नगरपालिकामा १२, बेलबारी नगरपालिकामा ९, पथरीशनिश्चरे नगरपालिकामा ८, मिक्लाजुङ गाउँपालिकामा ५, बुढीगंगा गाउँपालिका र रतुवामाई गाउँपालिकामा समान ४, सुनबर्षी नगरपालिका र कटहरी गाउँपालिकामा समान ३, रंगेली, लेटांग नगरपालिका, केराबारी र कानेपोखरी गाउँपालिकामा समान २, ग्रामथान र जहदा गाउँपालिकामा समान १ जनाको रिपोर्ट पोजिटिभ आएको छ।

सुनसरीको इटहरी उपमहानगरपालिकामा ९७, धरान उपमहानगरपालिकामामा ६६, इनरुवा नगरपालिकामा २१, दुहवी, रामधुनी नगरपालिका र गढी गाउँपालिकामा समान ३, बराहक्षेत्र नगरपालिकामा २, बर्जु, देवानगञ्ज, कोशी र भोक्राहानरसिंह गाउँपालिकामा समान १ जनामा संक्रमण देखिएको मन्त्रालयले जनाएको छ।

त्यसैगरि झापाको दमक नगरपालिकामा २७, मेचीनगर नगरपालिकामा ११, गौरादह र विर्तामोड नगरपालिकामा समान १०, शिवसताक्षी नगरपालिकामा ५, कमल गाउँपालिकामा ३, अर्जुनधारा, कनकाई नगरपालिका र बुद्धशान्ति गाउँपालिकामा समान २, भद्रपुर नगरपालिका र बाह्रदशी गाउँपालिकामा समान १ र स्थानीय तह नखुलेका ३ जनाको रिपोर्ट पोटिटिभ आएको छ।

उदयपुरको चौदण्डीगढी नगरपालिकामा ३, कटारी नगरपालिकामा २ र त्रियुगा नगरपालिकामा १ जनाको पीसीआर रिपोर्ट पोजिटिभ आएको छ।

धनकुटाको धनकुटा नगरपालिकामा ३, साँगुरीगढी र छथर गाउँपालिकामा समान १, संखुवासभाको चैनपुर नगरपालिका र मकालु गाउँपालिकामा समान २, खोटाङको दिक्तेल रुपाकोट मझुवागढीमा १ र स्थानीय तह नखुलेका २, तेह्रथुमको लालीगुराँस नगरपालिकामा २ र म्याङलुङमा १ र प्रदेश १ बाहिरका १७ जनाको रिपोर्ट पोजिटिभ आएको छ। यससँगै प्रदेशमा हालसम्म कोरोना संक्रमितको संख्या १८ हजार २ सय ५० पुगेको छ।

यस्तै प्रदेश १ मा बुधबार ६ सय ९५ जना संक्रमित निको भएर डिस्चार्ज भएका छन्। प्रदेश १ का विभिन्न स्थानका होमआइसोलेसनबाट ६ सय ८०, धरानस्थित वीपी कोइराला स्वास्थ्य विज्ञान प्रतिष्ठान धरानबाट ११ र झापाको मेची अस्पतालबाट ४ जना डिस्चार्ज भएका हुन्। हालसम्म प्रदेशमा १० हजार १ सय ३८ जना डिस्चार्ज भएको मन्त्रालयले जनाएको छ।

मन्त्रालयका अनुसार प्रदेशमा बुधबार १ हजार २ सय ६१ जनाको पीसीआर परीक्षण गरिएको छ। परीक्षण गरिएकामध्ये २ सय १९ महिला र ३ सय ३७ जनाको रिपोर्ट पोजिटिभ आएको हो। हालसम्म १ लाख ५६ हजार ५ सय ४६ जनाको पीसीआर परीक्षण गरिएको सामाजिक विकास मन्त्रालयले जनाएको छ।

कात्तिक १२, २०७७ मा प्रकाशित
प्रतिक्रिया दिनुहोस्