बादल भोलि सचिवालय बैठकमा सहभागी हुने

गृहमन्त्री रामबहादुर थापा 'बादल'। तस्बिर- बर्षा शाह/देश सञ्‍चार

काठमाडौँ- बुधबार बोलाइएको नेकपा केन्द्रीय सचिवालय बैठक सफल पार्न प्रतिबद्ध बहुमत समूहका अनुसार गृहमन्त्री तथा सचिवालय सदस्य रामबहादुर थापा बादल उक्त बैठकमा उपस्थित हुने भएका छन्।

बादलनिकट पार्टी सांसद मायाप्रसाद शर्माका अनुसार प्रधानमन्त्री तथा पार्टी अध्यक्ष केपी ओली र उनका समर्थकहरु बैठकमा सहभागी नभए पनि बादल उपस्थित  हुनेछन्।

ओली, अर्थमन्त्री तथा महासचिव विष्णु पौडेल र उपप्रधनमन्त्री इश्वर पोख्रेलले प्रचण्डसहित पाँच सचिवालय सदस्यहरुले भष्ट्राचार, आफन्तवादलगायतका आरोपसहित पद त्याग्न गर्न ओलीसँग गरेको आग्रहसहित सचिवालयमा पेश राजनीतिक प्रस्ताव फिर्ता नलिएमा बुधबारको बैठक नहुने अडान लिएका छन्।

उक्त सुझावसहित महासचिव पौडेलले दुईपटक ओलीका दूतका रुपमा प्रचण्डसँग भेट गरिसकेका छन् तर प्रचण्डलगायत उक्त प्रस्तावका समर्थक पूर्वप्रधानमन्त्रीद्धय माधवकुमार नेपाल र झलनाथ खनालसहित बामदेव गौतम र नारायणकाजी श्रेष्ठले ओली पक्ष उपस्थित नभएपनि बैठक भएरै छाड्ने अडान लिएका छन्।

बादल उपस्थित भएका ओलीको पक्षमा तीन जना मात्र सदस्य रहनेछन्। केन्द्रीय सचिवालयमा बादलका राजनीतिक सल्लाहकार तथा नेकपा केन्द्रीय समिति सदस्य संर्यप्रकाश सुवेदी’पथिक’ले बादलले ‘पार्टी हित’मा उपयुक्त निर्णय लिने जानकारी दिए पनि बैठकमा सहभागी हुने या नहुनेबारे स्पष्टसँग केही बताएनन्।

मंसिर २, २०७७ मा प्रकाशित
प्रतिक्रिया दिनुहोस्