कोरोना कहरकैबीच सिमकोट विमानस्थलको कालोपत्रे सम्पन्‍न

सिमकोट- सिमकोट विमानस्थलको कालोपत्रे गर्ने कार्य कोरोना कहरकै बिच चालीस दिनमै सम्पन्न भएको छ। अलकत्रा लगायत निर्माण सामाग्री र मेशिनको व्‍यवस्था भएपछि कालोपत्रे गर्ने कार्य निर्धारित समय अगाडि नै सम्पन्न गर्न सम्भव भएको हो।

बिमान स्थलको छ सय मिटर लम्वाईलाई चालीस दिन भित्र कालोपत्रे गर्ने कार्य सम्पन्न भएको निर्माण कम्पनी, क्याराभान, गाल्भा जेभीका स्थानीय प्रतिनिधि दान बहादुर रावलले बताए।

कोरोना कहरकाबिच कालोपत्रेका लागि अलकत्रा समयमै नेपालगंजबाट ढुवानी हुन, स्थानीय सामाग्री उपलव्ध हुनु र मेशिनको ब्यबस्था पनि भएपछि काम सम्पन्न गर्न सहज भएको हो।

अर्को कुरा हिउदे समय लागेको भएपनि हिमपात नहुँदा समयमै काम गर्न सहज भएको रावलले बताए । तराईका कामदारले बिहान ११ बजेदेखि बेलुका सात आठ बजेसम्म लगातार काम गरेको कारण पनि काम समयमै सकिएको हो।

विमान स्थल कालो पत्रे अबधिभर उडान पनि बन्द भएन । यस अघि बिमान स्थल कालोपत्रे गर्न उडान कार्य बन्द गर्नु परेको थियो। तर यस पटक कलाकत्रा चाँडै सेट हुने भएपनि उडान बन्द गर्नु नपरेको हो।

बिमान ११ वजेसम्म दश देखि बाह्र फ्लाईट नियमित उडान कार्य भइरहेको थियो । निर्माण कम्पनीलाई ताकेता गरेर निर्माण सामाग्रीको ब्यबस्था गर्न लगाएकै कारण छोटो अबधीमा काम सम्पन्न गर्न सफल भएको आयोजनामा सहायक इन्चार्ज अजय गुप्ताले बताए।

विमान स्थलको कालोपत्रे गर्ने कार्य सम्पन्न भएको अब पार्किङ्ग स्थल एप्रोनको काम गर्न बाँकी रहेको छ। मौसमले साथ दिए उक्त कार्य पनि मंङ्सिर महिनाभित्रै काम सक्ने तयारी भई रहेको निर्माण कम्पनीले जनाएको छ । सबै कालो पत्रे गर्नका लागि नौ करोड बजेट बिनियोजित भएको छ।

मंसिर ५, २०७७ मा प्रकाशित
प्रतिक्रिया दिनुहोस्