प्रदेश-१ मा २१४ थपिए, ३११ डिस्चार्ज, ११ जना संक्रमितको मृत्यु

मोरङ-प्रदेश १ मा कोरोना भाइरस कोभिड १९ का २ सय १४ जना नयाँ संक्रमित थप भएका छन् ।

विराटनगरस्थित सामाजिक विकास मन्त्रालयका अनुसार आइतबार गरिएको ८ सय ७ जनाको पिसिआर परिक्षण मध्ये ७८ महिला र १ सय ३६ जना पुरुषको रिपोर्ट पोजिटिभ आएको हो।

यसक्रममा मोरंगमा ७३, सुनसरीमा ५३, झापा ५०, इलाम ६, संखुवासभा ५, खोटांग ३, उदयपुर २, धनकुटा र पाँचथरमा समान १ जनामा संक्रमण पुष्टि भएको हो। त्यसैगरि, मन्त्रालयले प्रदेश १ बाहिरका १९ जनामा समेत संक्रमण देखिएको जनाएको छ।

यसक्रममा इटहरी उपमहानगरपालिका ३८ र विराटनगर महानगरपालिकामा ३४ जनामा संक्रमण देखिएको छ। प्रदेश राजधानी विराटनगमा १३ महिला र २१ पुरुष गरि कुल ३४ जनामा संक्रमण पुष्टि भएको हो।

मोरंगको सुन्दरहरैचा नगरपालिकामा १३, रंगेली नगरपालिका ६, पथरीशनिश्चरे नगरपालिका ५, सुनवर्षी नगरपालिका, मिक्लाजुंग गाँउपालिकामा समान ३, बुढीगंगा गाँउपालिका र उर्लाबारी नगरपालिकामा समान २, धनपालथान, कानेपोखरी गाँउपालिकासंगै रतुवामाई, लेटांग, बेलबारी नगरपालिकामा समान १ जनामा संक्रमण देखिएको छ।

सुनसरीको इटहरी उपमहानगरपालिकामा ३६, धरान उपमहानगरपालिका ६, बराहक्षेत्र नगरपालिका ४, भोक्राह नरसिंह, देवानगञ्ज गाँउपालिकासंगै दुहबी, रामधुनी, इनरुवा नगरपालिकामा समान १ जना र ठाँउ नखुलेको २ जनामा संक्रमण पुष्टि भएको छ।

त्यसैगरि, झापाको दमक नगरपालिकामा १२, भद्रपुर नगरपालिका ८, कमल गाँउपालिका ७, अर्जुनधारा र शिवसताक्षी नगरपालिकामा समान ५, विर्तामोड र मेचीनगर नगरपालिकामा समान ४, कनकाई र गौरादह नगरपालिकामा समान २, गौरीगञ्ज नगरपालिमा १ जनाको पिसिआर रिपोर्ट पोजिटिभ आएको छ।

पहाडी क्षेत्रतर्फ इलाममा ६, संखुवासभाको खाँदबारी नगरपालिका ५, खोटांगको दिक्तेल रुपाकोट मझुवागढी नगरपालिका, खोटेहांग र साकेला गाँउपालिकामा समान १, धनकुटा, पाँचथरको फिदिम नगरपालिका १, उदयपुरको चौदण्डीगढी नगरपालिका र उदयपुरगढी गाँउपालिकामा समान १ जनामा संक्रमण पुष्टि भएको छ।

मन्त्रालयका अनुसार प्रदेश बाहिरबाट ७ महिला र १२ पुरुष गरि १९ जनामा संक्रमण देखिएको छ । यससंगै हालसम्म प्रदेशमा २५ हजार २ सय ९० जनामा संक्रमण पुष्टि भएको छ।

अर्कोतर्फ आइतबार १ सय २१ महिला र १ सय ९० पुरुष गरि कुल ३ सय ११ जना संक्रमित निको भएर डिस्चार्ज भएको मन्त्रालयले जनाएको छ । मोरंगमा ४० महिला र ७९ पुरुष गरि कुल १ सय १९ निको भएकाछन् ।

झापामा १ सय २, सुनसरी ५२, धनकुटा १६, उदयपुर ४, संखुवासभा र इलाममा समान २, तेह्रथुममा १ जना निको भएका हुन्। त्यसैगरि मन्त्रालयले अन्य स्थानमा १३ जना निको भएको जनाएको छ।

त्यसैगरि, गएको २४ घण्टामा २ महिला र ९ पुरुष गरि ११ जना संक्रमितको उपचारका क्रममा मृत्यु भएको छ।

मंसिर ७, २०७७ मा प्रकाशित
प्रतिक्रिया दिनुहोस्