जुवाको खालबाट वडा अध्यक्ष पक्राउ

दाङ-जुवाको खालबाट वडा अध्यक्ष सहित ७ जना व्यक्ति पक्राउ परेका छन्।

शितगंगा नगरपालिका ८ अर्घाखाँचीका वडा अध्यक्ष सहित ७ जनालाई प्रहरीले पक्राउ गरि दाङ प्रहरीले सार्वजनिक गरेको छ। तर, प्रहरीले सार्वजनिक गरेकाे बिवरणमा वडा अध्यक्ष भनेर खुलाइएको छैन।

राप्ती गाउँपालिका वडा नम्बर २ लालमटिया स्थित राप्ती फेम्ली रेष्टुरेण्टमा प्रहरीले छापा मारेको थियो।

सितगंगा नगरपालिका वडा नम्बर ८ का वडा अध्यक्ष रुकबहादुर आले जुवा खेलिरहेको अवस्थामा प्रहरीले पक्राउ गरेको स्रोतले बताएको छ। तर, प्रहरीले सार्वजनिक गरेकाे विवरणमा राप्ती गाउँपालिका १ निवासी रुपेश आले लेखिएको छ।

जुवा खेलिरहेको अवस्थामा प्युठान जिल्लाको सरुमारानी गाउँपालिका वडा नं.३ का ५० वर्षिया चुमानसिंह सुनार, सोही ठाउँका ३५ वर्षिया अल्ली शाह, वडा नम्बर १ का २४ वर्षीया एडिस मिंया, सोही वडाका ४० वर्षिया अक्कबर हुसेन मिया, वडा नम्बर ३ का ४४ वर्षिया कृष्णबहादुर राना र दाङ जिल्ला राप्ती गाउँपालिका वडा नं. २ का २१ वर्षिया यमबहादुर राना रहेको प्रवक्ता सुमित खड्काले जानकारी दिएका छन्।

पक्राउ परेका जुवाडेहरुको साथबाट विभिन्‍न दरका नेपाली नोट गरी १ लाख ४६ हजार र जुवा खेल्न प्रयोग भएको १० थान तास गड्डि, १ थान गलैचा बरामद भएको र थप अनुसन्धान भईरहेको प्रवक्ता खड्काले जानकारी दिएका छन्। पक्राउ परेकाहरुलाइ जवा एेन अन्तरगत कारबाही अघि बढाइएको छ।

मंसिर ८, २०७७ मा प्रकाशित
प्रतिक्रिया दिनुहोस्