प्रदेश-१ मा ३७२ जना संक्रमित थपिए, १३८ जना डिस्चार्ज

मोरङ-मोरङ्गमा १ सय ५९ सहित प्रदेश १ मा ३ सय ७२ जना कोरोना संक्रमित थप भएका छन्।

विराटनगरस्थित सामाजिक विकास मन्त्रालयका अनुसार बुधबार गरिएको १ हजार २ सय ३८ जनाको पीसीआर परीक्षणका क्रममा सो संक्रमित संख्या थप भएको हो। जसमा १ सय ४७ महिला र २ सय २५ पुरुषको रिपोर्ट पोजिटिभ आएको मन्त्रालयले जनाएको छ।

यसक्रममा मोरंगमा १ सय ५९, झापामा ९७, सुनसरीमा ५७, संखुवासभामा २७, इलाममा १२, पाँचथरमा ४, भोजपुरमा २, ते¥हथुम र उदयपुरमा समान १ र प्रदेश १ बाहिरका १२ जनामा संक्रमण पुष्टि भएको छ।

प्रदेश १ राजधानी विराटनगर महानगरपालिकामा ४७ महिला र ७४ पुरुष गरि कुल १ सय २१ जनामा संक्रमण देखिएको छ।

मोरङको लेटाङ, बेलबारी नगरपालिका र बुढीगंगा गाँउपालिकामा समान ६, रंगेली नगरपालिकामा ४, उर्लाबारी र रतुवामाई नगरपालिकामा समान ३, सुन्दरहरैचा नगरपालिका र कटहरी गाँउपालिकामा समान २, मिक्लाजुङ, ग्रामथान र धनपालथान गाँउपालिकामा समान १, र स्थानीय तह नखुलेका ३ जनामा संक्रमण देखिएकोछ।

झापाको झापा गाउँपालिकामा ३४, भद्रपुर नगरपालिकामा २२, दमक नगरपालिकामा ११, विर्तामोड नगरपालिकामा १०, अर्जुनधारा नगरपालिकामा ५, कनकाई, मेचीनगर, शिवसताक्षी, गौरादह, नगरपालिकासंगै बुद्धशान्ति, हल्दिबारी गाँउपालिकामा समान २ र गौरीगञ्जसंगै स्थानीय तह नखुलेकामा समान १ जनाको रिपोर्ट पोजिटिभ आएको मन्त्रालयले प्रस्टाएको छ।

सुनसरीको इटहरी उपमहानगरपालिकामा २८, धरान उपमहानगरपालिकामा १३, रामधुनी र इनरुवा नगरपालिकामा समान ५, दुहवी नगरपालिकामा २, भोक्राहानरसिंह र गढी गाँउपालिकामा समान १ र स्थानीय तह नखुलेकामा २ जनाको पिसिआर रिपोर्ट पोजिटिभ आएको छ।

पहाडी क्षेत्रमा संखुवासभाको खाँदबारी नगरपालिकामा २७, इलामको इलाम नगरपालिकामा १०, रोङ गाँउपालिका र देउमाई नगरपालिकामा समान १, पाँचथरको फिदिम नगरपालिकामा ४, भोजपुरको अरुण गाँउपालिका र स्थानीय तह नखुलेकामा समान १, ते¥हथुमको लालीगुराँस नगरपालिकामा १, उदयपुरको कटारी नगरपालिकामा १ र प्रदेश १ बाहिरका १२ जनामा संक्रमण देखिएको मन्त्रालयले जनाएको छ।

यससँगै प्रदेशमा कोरोना संक्रमितको संख्या २६ हजार २ सय ५२ पुगेको छ। अर्कोतर्फ प्रदेशमा बुधबार १ सय ३८ जना संक्रमित निको भएर डिस्चार्ज भएका छन्।

मन्त्रालयका अनुसार प्रदेशका विभिन्‍न स्थानका होमआईसोलेसेनबाट १३७ र झापाको मेची अस्पतालबाट १ जना डिस्चार्ज भएका हुन्। हालसम्म डिस्चार्ज हुनेको संख्या २१ हजार २ सय ८९ पुगेको छ।

मंसिर १०, २०७७ मा प्रकाशित
प्रतिक्रिया दिनुहोस्