कोभिड भ्याक्सिन उत्पादक भारतीय कम्पनी सेरममा आगलागी

कोभिड भ्याक्सिन उत्पादक भारतीय कम्पनी सेरम इन्स्टिच्युट अफ इन्डिया (एसआइआई)को गेटमा बिहीबार आगलागी भएको छ।

सेरमको उत्पादन प्लान्ट टर्मिनल-१ गेटमा आगलागी भएको  इन्डिया टिभीले जनाएको छ।

आगो लागेपछि त्‍यहाँ १५ वटा दमकलको गाडी पुगेको छ भने विल्डिङमा ६ जना फसेका छन्।

उनीहरुको उद्धारका लागि एनडीआरएफको टोली पुणेको सेरम इन्स्टिच्यूट अफ इन्डिया पुगेको छ।

बिल्डिङको तेस्रो तल्लाबाट आगलागी सुरु भइ पाँचौ तल्लामा पुगिसकेको छ।

सेरमले उत्पादन गरेको कोरोनाविरुद्धको भ्याक्सिन ‘कोभिसिल्ड’ विहीबार मात्रै नेपाल आइपुगेको छ।

माघ ८, २०७७ मा प्रकाशित
प्रतिक्रिया दिनुहोस्