प्रचण्ड–नेपाल खेमाको प्रदर्शन अगावै गन्तव्‍यमा जाने यात्रुको बिचल्ली

काठमाडौँ- प्रधानमन्त्री केपी शर्मा ओलीको संसद् विघटनको कदमविरुद्ध नेकपा पुष्पकमल दाहाल प्रचण्ड र माधवकुमार नेपाल समूहले शुक्रबार विरोध प्रदर्शन र सभा आयोजना गर्नुभन्दा केही घन्टा अगावै राजधानीका सडकमा त्यसको प्रभाव परेको छ।

यो समुहले रत्नपार्क भद्रकाली सडक खण्डको मूल सडक नै थुनेर सभा गर्ने तयारी गरेपछि वरिपरिका सडकमा बिहानै देखिनै आवागमन प्रभावित भएको छ।

यसबाट खासगरि विद्यार्थी, कामकाजीको बिचल्ली भएको छ। यसअघि गत पुस १४ गते पनि यस्तै प्रकृतिको विरोध प्रदर्शन गर्दा राजधानीका सडकमा यात्रुहरूको बिचल्ली भएको थियो।

शुक्रबारको प्रदर्शनमा वागमती प्रदेशका विभिन्न जिल्लाबाट करिब एक लाख मानिस काठमाडौं उतार्ने तयारी गरेको गरिएको छ।

काठमाडौंमा विभिन्न ९ स्थानबाट जुलुस निकाल्ने र पुरानो बसपार्कअगाडि सभामा परिणत हुने सङ्घर्ष समितिले तयारी गरेको छ ।

विभिन्न ठाउँबाट निस्कने जुलुसको नेतृत्वका लागि नेकपा (प्रचण्ड–नेपाल समूह)ले स्थायी कमिटी सदस्यहरूलाई जिम्वेवारीसमेत तोकेको छ ।

जुलुस अहिले केहीबेरमा सुरु भएर भृकुटीमण्डपको सडकमा पुगेर सभामा परिणत हुनेछ।

सभालाई अध्यक्षद्वय पुष्पकमल दाहाल प्रचण्ड, माधवकुमार नेपाल र घनश्याम भुसालले सम्बोधन गर्ने बताइएको छ।

माघ ९, २०७७ मा प्रकाशित
प्रतिक्रिया दिनुहोस्