१२ हाइकु

खुशी नै छु म, सनक हार्‍यो…

विवेक बोल्यो
बाबाहरूमा खुशी…
बा’ हार्नुभयो ।

बा’ हारेपछि…
छोराछोरी -छिमेकी
खुशी बेखुशी …

खुशी नै छु म,
बा’ हारेर होइन
सनक हार्‍यो….

हार्न बाँकी छ
कुर्सी, क्रोध, क्याडर
क्यास-कलङ्क !

हार्न बाँकी छ
दाम-दास दलाल
दाताको दाउ।

दाउ नथापी
तीनकोटि मिलौन
घर जोगिन्छ।

फूलबारीमा
सुवास हराएको
धेरै भा’छैन।

विजयी नेता
क्षमा मागेर भन
विश्राम गर्यौँ।

जीत होइन
सन्देश मिलनको
‘हिरो’ ‘भिलेन्’को !

क्रय -बिक्रय
खसी बजार नहोस्
हाम्रो संसद !

पर्खनु नै छ
कहाँ को को जोखिन्छन्
बस् तेह्रदिन !

तेह्रौँ दिनको
जुठो बारेपछि नै
नन्भेज यात्रा !

फाल्गुन १२, २०७७ मा प्रकाशित
प्रतिक्रिया दिनुहोस्