रोजर फेडेररको कीर्तिमानमा नोभाक जोकोविचले बराबरी

लामो अवधि विश्व बरियताको शीर्ष स्थानमा रहने रोजर फेडेररको कीर्तिमानसँग नोभाक जोकोविचले बराबरी गरेका छन् ।

जोकोविच विगत ३१० हप्तादेखि विश्व बरियताको शीर्ष स्थानमा छन् । यसअघि रोजर फेडेरर ३१० हप्ता शीर्ष बरियतामा रहेर कीर्तिमान बनाएका छन् ।

३३ वर्षीय सर्बियन खेलाडीले आउँदो हप्ता फेडेररको कीर्तिमान तोडेर आफ्नो नाममा लेखाउने पक्का पनि छ। जोकोविचले गएको हप्ता नवौँ पटक अस्ट्रेलियन ओपन तथा समग्रमा १८ औँ ग्राण्डसलाम उपाधि जितेका थिए ।

उनी पुरुष एकलमा सर्वाधिक ग्राण्डसलाम उपाधि जितेर फेडेरर र राफायल नाडालले बनाएको कीर्तिमान भन्दा दुई उपाधि पछि छन्।

फाल्गुन १८, २०७७ मा प्रकाशित
प्रतिक्रिया दिनुहोस्