बारीमा घाँस काट्न गएका बेला गैँडाको आक्रमणबाट एकको मृत्यु

फाइल तस्बिर।

कावासोती-नवलपरासी (बर्दघाट सुस्तापूर्व) नवलपुरमा गैँडाको आक्रमणमा परी बिहीबार एकको मृत्यु भएको छ।

नवलपुरको मध्यबिन्दु नगरपालिका–१२ मा गैँडाको आक्रमणमा परी ४४ वर्षीय पविसरा विकको मृत्यु भएको जिल्ला प्रहरी कार्यालयका प्रहरी नायब उपरीक्षक दिलीपकुमार गिरीले बताए।

बारीमा घाँस काट्न गएका समयमा गैँडाले आक्रमण गरेको प्रहरी नायब उपरीक्षक गिरीले जानकारी दिए। गैँडाको आक्रमणबाट विकको घटनास्थलमा नै मृत्यु भएको उनले बताए।

फाल्गुन २०, २०७७ मा प्रकाशित
प्रतिक्रिया दिनुहोस्